သူငယ်ချင်း မင်းက စာဆိုအစုံဖတ်သူ
မင်း ရည်ရွယ်ချက်နဲ့ မင်း ဘ၀၊ မင်းကိုယ်တိုင်ကတဲ့ဇာတ်မှာ
လူပြက်၊ မင်းသား . . . . . . . . . စသဖြင့်ပေါ့။
ထားပါတော့ . . . ။
ကြီးကျယ်ခမ်းနားတယ်ဆိုလည်း ထားပါတော့ . . . ။
ငါ့ရဲ့ စာတိုပေစတွေက
မင်း ဖတ်ခဲ့တဲ့စာကြီးပေကြီးတွေလောက်တော့ ကိန်းကြီး၊ ခန်းကြီး မနိုင်ဘူး။
ကျမ်းကိုး၊ ကျမ်းကား မတိကျဘူး။
သေချာပါတယ် . . . မတိကျဘူး။ ဒါပေမယ့် . . .
ရင်နဲ့ ရင်းတဲ့ ခံစားချက်တွေရှိတယ်။ ရေရာတဲ့ စေတနာတွေရှိတယ်။
ငါ့ ပတ်ဝန်းကျင်ရဲ့ အသံနဲ့ ငါ့ရဲ့ ဟန်လည်းရှိတယ်။ ထားပါတော့ . . .
ငါက အညတရ ကြယ်၊ ဟုတ်တယ် အမှောင်ထဲက ကြယ် လှောင်စမ်း . . .
ငါ့ရဲ့ စာတိုပေစတွေကို မင်းကြိုက်သလောက် လှောင်ပြောင်စမ်း
ငါ့ ပတ်ဝန်းကျင်နဲ့ အသိမိတ်ဆွေတွေကိုတော့ သွေးတိုးလာမစမ်းနဲ့
ငါ ဆိုတဲ့ကောင်က ကြောက်တတ်အောင် အမောက်ထောင်မပြပေမယ့်
လိုအပ်ရင် အရောင်ပြောင်းတတ်တဲ့ အခန်းအောင်းသတ္တ၀ါ . . . ထားပါတော့
အညတရဆိုလည်း ထားပါတော့။
ဆေးစက်ကျရာ အရုပ်ထင်လောက်အောင် ငါ့လက်က မှော်မ၀င်သေးဘူး။
အဲဒါအမှန်ပဲ ငါ ၀န်ခံတယ်။
ငါက ကိုယ့်သံစဉ် ကိုယ်ပြန်ညှိနေရတဲ့ ဂစ်တာကြိုးတစ်ချောင်း
ငါ မကောင်းသေးတာ ၀န်ခံတယ်။ ထားပါတော့ . . .
သူငယ်ချင်း၊ မင်းကော . . . ထားပါတော့ . . .
. . . . . . . . . . . . . . . . . . . . . . . . . . . . . . . . . . . . ။
တစ်ခုပဲ. . . . . . . . . . . . . . . . . . . . . . . . . . . . . . . .
“ ဟင့်အင်း ခေါင်းတော့ မညိတ်လိုက်ပါနဲ့၊ ငါ မင်းကို ငြင်းနေတာမဟုတ်ဘူး၊ ကိုယ့်အသွေးအသားထဲက အရိုးကို ပြန်ထွင်းနေတာ၊ ” ထားပါတော့ . . .
တစ်ယောက်ယောက် မှန်ဖို့ တစ်ယောက်ယောက်မှားရတယ်ဆိုတဲ့
ခပ်တုံးတုံး ဇာတ်သွားအတိုင်းပဲ ထားပါတော့ . . .
. . . . . . . . . . . . . . . . . . . . . . . . . . . . . . . . . . . . ။
—-> ထားပါတော့ … အညတရဆိုလည်း … ထားပါတော့
No comments:
Post a Comment